Published By Said Al Habsy

Ikiwa Imam atakuwa amesahau kitu katika vitendo vya Salaa basi inaruhusiwa kumkumbusha kwa kusema, “SUBHAANA ALLAH.”  Kasema Sahl Bin Said kasema, “Kasema Mtume S.A.W., [1]“

مَنْ نَابَهُ شَيْءٌ فِي صَلاتِهِ فَلْيَقُلْ سُبْحَانَ اللَّهِ.

Maana yake, “Atakayekumbusha chochote katika Salaa aseme “SUBHAANA ALLAH.”. Na anayeruhusiwa kukumbusha kwa kusema “SUBHAANA ALLAH.” ni mwanamume, na ikiwa ni mwanamke ndiye anayetaka kukumbusha basi atapiga makofi. Kasema Sahl bin Said kasema, “Kasema Mtume S.A.W.,[2] “

إِنَّمَا التَّصْفِيحُ لِلنِّسَاءِ وَالتَّسْبِيحُ لِلرِّجَالِ.

Maana yake, “Na kupiga makofi ni kwa wanawake na Tasbih (yaani kusema Subhaana Allah) ni kwa wanaume.” 

Published By Said Al Habsy

Inaruhusiwa kwa anayesali kulia kwa ajili ya khofu ya akhera, lakini bila ya kujiliza au kukusudia. Hadithi iliyo hadithiwa na Mutrafiin kasema,[1] “  

أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ وَهُوَ يُصَلِّي وَلِجَوْفِهِ أَزِيزٌ كَأَزِيزِ الْمِرْجَلِ يَعْنِي يَبْكِي.

Maana yake, “Nimemkuta Mtume S.A.W. nae anasali na ndani ya kifua chake kuna mvumo kwa ajili ya kulia kama mfano wa mvumo wa sufuria linalochemka yaani alikuwa akilia.” Lakini ikiwa mtu atajiliza au atajilazimisha alie basi Salaa yake inaharibika, kwani kulia katika Salaa sio katika kitendo cha Salaa.

Published By Said Al Habsy

Anaruhusiwa mtu kufanya kitendo kidogo hafifu kilicho nje ya Salaa kwa manufaa ya Salaa. Mfano kuondoa uchafu mahala anapo sujudia.  Kasema Muaqib, “Mtume S.A.W. alimuambia mtu mmoja aliyekuwa akiweka sawa sehemu anayo sujudia naye yuko katika Salaa, [1]“

إِنْ كُنْتَ فَاعِلا فَوَاحِدَةً.

Maana yake, “Ikiwa huna budi kufanya basi fanya mara moja”.

Published By Said Al Habsy

Ikiwa makohozi au mate hayo ni mengi basi anaruhusiwa anaesali kuyameza kama yatakuwa yanamshugulisha na Salaa. Pia inajuzu kuyatoa makohozi na makamasi kwa kutumia kitambaa wakati wa Salaa, ikiwa yata mshughulisha na Salaa yake au akayetema pembeni ikiwa anasali nje peke yake. Kasema Abu Sa`id L-Khudryy R.A..A., “Mtume wa Mwenyezi Mungu S.A.W. aliona makohozi kwenye ukuta wa Kibla akayakwangua halafu akawaelekea watu akasema,[1] “

إِذَا كَانَ أَحَدُكُمْ يُصلِّي فَلاَ يَبْزُقْ قِبَلَ وَجْهِهِ فَإنَّ الله قِبَلَ وَجْهِهِ إِذَا صَلّى.

Maana yake, “Ikiwa mmoja wenu anasali basi asiteme mbele yake, kwani Mwenyezi Mungu yuko mbele yake wakati anaposali.” (makusudio kaelekea kibla kwa hivyo kamkusudia Mwenyezi Mungu Mtukufu kule aliko elekea).

Published By Said Al Habsy

Inaruhusiwa kuua nge au nyoka na kila kile kinachodhuru kwa harakati kidogo na halafu aendelee na Salaa yake mahali alipofika. Kasema Abu Huraira R.AA., “Kasema Mtume S.A.W., [1]“

اقْتُلُوا الْأَسْوَدَيْنِ فِي الصَّلاةِ الْحَيَّةَ وَالْعَقْرَبَ.

Maana yake, “Viuweni viwili vyeusi katika Salaa; nyoka na nge.”

Published By Said Al Habsy

Inaruhusiwa kufanya vitendo vya kujisalimisha nafsi yake, au ya mtu mwingine, au mali yake, au mali ya mtu mwingine kutokana na madhara ya aina yoyote yale. Mfano kumwokoa mtu anaye taka kuzama, au kipofu au mtoto anayetaka kutumbukia kisimani na kadhalika. Halafu akaendelea na Salaa yake mahala alipofika ili mradi awe hakugeuza uso wake kutoka kibla na wala hakuzungumza. Na iwapo atageuza uso wake au atazungumza basi Salaa yake itakuwa imeharibika, na itabidi aianze kuisali kutoka mwanzo.

Published By Said Al Habsy

Inaruhusiwa kumzuia mtu asimkatishe Salaa yake, yaani kupita baina yake na baina ya sitra aliyoiweka au mahala anaposujudu. Kasema Abu Sa`id L-Khudryy R.A.A., “Kasema Mtume wa Mwenyezi Mungu S.A.W., [1]“

إن أَحَدُكُمْ إِذَا كَانَ  في صَلاة فَلا يَدَعْ أَحَدًا يَمُرُّ بَيْنَ يَدَيْهِ وَلْيَدْرَأْهُ مَا اسْتَطَاعَ فَإِنْ أَبَى فَلْيُقَاتِلْهُ فَإِنَّمَا هُوَ شَيْطَانٌ.

Maana yake, “Iwapo mmoja wenu yumo ndani ya Salaa asimuachie mtu kupita mbele yake, amsukume kadri awezavyo, akikataa basi amsukume kwa nguvu kwani huyo ni Shetani.”