YASIYOPENDEZA KUFANYWA KATIKA SALAA
Kila anaesali anatakiwa awe makini, mwenye kuvihudhurisha viungo na akili zake zote, na ajiepushe na yaliyo katazwa au yale ya kumshughulisha kwani yanaweza kuharibu Salaa yake. Yafuatayo ni miongoni mwa mambo ambayo hayapendezewi kuyafanya wakati wa Salaa
|
Published By Said Al Habsy Haipendezi mtu kusali na huku anasinzia, ni bora alale kidogo mpaka usingizi umtoke. Kwani ikiwa atakuwa anasinzia kuna hatari anaweza akailani nafsi yake badala ya kuomba maghufira. Kasema Bibi Aisha R.A.A.H., “Kasema Mtume wa Mwenyezi Mungu S.A.W., [1]“ إِذَا نَعَسَ أَحَدُكُمْ فِي الصَّلاَةِ فَلْيَرْقُدْ، حَتَّى يَذْهَبَ عَنْهُ النَّوْمُ، فَإِنَّ أَحَدَكُمْ إِذَا صَلَّى وَهُوَ نَاعِسٌ لَعَلَّهُ يَذْهَبُ يَسْتَغْفِرُ اللَّهَ فَيَسُبُّ نَفْسَهُ. Maana yake, “Akisinzia mmoja wenu na yumo ndani ya Salaa, basi alale mpaka umtoke usingizi. Kwani mmoja wenu atakaposali naye anasinzia inawezekana huenda akawa anaomba maghufira (msamaha, na badala yake) akawa anaiapiza nafsi yake.”
[1] Al-Imamu Al-Rab`iu 1/79 (250), mfano wa Hadithi hii imetolewa na Abu Daawud 4/75 (115), Ibn Maajah 4/275 (1360), At-Ttirmidhiy 2/91 (323), Bukhaari 1/356 (205), Muslim 4/133 (1309). |
|
Published By Said Al Habsy Haipendezi kwa mtu aliye na njaa kusali na chakula tayari kimetengwa kwa ajili ya kuliwa. Kwani huenda mawazo yake yakawa yanakifikiria kile chakula, na akili yake itakuwa haiko tena kwenye Salaa. Kasema Ibn Abbas R.A.A., “Kasema Mtume S.A.W., [1]“ إِذَا أُقِيمَتِ الصَّلاَةُ وَحَضَرَ الْعَشَاءُ فَابْدَؤُوا بِالْعَشَاءِ لِئَلاَّ تَدْعُوَ أَحَدَكُمْ نَفْسُهُ إِلَى الطَّعَامِ فَيَشْتَغِلَ عَنِ الصَّلاَةِ، فَيَنْقُصَ مِنْهَا. Maana yake, “Pakikimiwa Salaa na kikatengwa chakula basi anzeni mwanzo kula chakula, isije ikampelekea mmoja wenu kuitamanisha nafsi yake kwa chakula, na ikamshughulisha na Salaa yake na ikamtengulia Salaa yake.”
|
|
Published By Said Al Habsy Haipendezi kujiwekea nafasi maalum msikitini kwa ajili ya kusalia, au kwa ajili ya kukaa kwa kumdhukuru Mwenyezi Mungu, na kuwazuilia wengine wasikae katika sehemu ile. Misikiti ni nyumba za Mwenyezi Mungu na kila Muislamu anayo haki ya kusali, au kukaa mahala popote pale ndani yake ikiwa amewahi. Kasema Abdu Rahmani bin Shibli, [1]“ نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ نَقْرَةِ الْغُرَابِ وَافْتِرَاشِ السَّبْعِ وَأَنْ يُوَطِّنَ الرَّجُلُ الْمَكَانَ فِي الْمَسْجِدِ كَمَا يُوَطِّنُ الْبَعِيرُ. Maana yake, “Amekataza Mtume S.A.W. kudonadona kama kunguru (wakati wa sujudi), na kukaa mkao wa mbwa (wakati wa tahiyatu), na kumiliki mtu mahali ndani ya msikiti kama vile anavyo miliki ngamia.”
|
|
Published By Said Al Habsy Haipendezi yule anaesali kuelekea kitu ambacho kinaweza kumshughulisha wakati wa Salaa yake. Mfano kuelekea kama vile: Kioo, picha, na vitu vinginevyo. Kasema Anas bin Malik R.A.A., “Siku moja Mtume S.A.W. alikuwa akisali na mbele yake kulikuwa na pazia lililokuwa na picha. Baada ya kumaliza Salaa yake, akaamrisha lile pazia liondolewe. Akasema kumueleza Bibi Aisha R.A.A.H., [1]“ أَمِيطِي عَنَّا قِرَامَكِ هَذَا فَإِنَّهُ لَا تَزَالُ تَصَاوِيرُهُ تَعْرِضُ فِي صَلَاتِي Maana yake, “Niondoshee pazia lako hili kwani sura zake zilikuwa zikinijia katika Salaa yangu.”
|
|
Published By Said Al Habsy Haipendezi ndani ya Salaa kuchezea chochote kile. Mfano wa kama vile: nguo, ndevu, nywele, au kitu chochote kile kinginecho. Kasema Ibn Abbas R.A.A., “Kasema Mtume S.A.W.,[1] “ أُمِرْتُ أَنْ أَسْجُدَ عَلَى سَبْعٍ وَلَا أَكُفَّ شَعَرًا وَلَا ثَوْبًا. Maana yake, “Nimeamrishwa kusujudu kwa viungo saba na wala nisikunje nywele wala nguo[2]". Lakini baadhi ya Wanavyuoni wameruhusu wakati wa Salaa mtu kusogea kidogo au kutengeza nguo inayotaka kumvuka, au kusawazisha sehemu anayosujudia kwa kutumia harakati hafifu. |
|
Published By Said Al Habsy Haipendezi kwa anayesali kuangalia macho yake juu bila ya sababu yoyote ile. Kasema Anas bin Malik R.A.A., “Kasema Mtume S.A.W., [1]“ مَا بَالُ أَقْوَامٍ يَرْفَعُونَ أَبْصَارَهُمْ إِلَى السَّمَاءِ فِي صَلاتِهِمْ لَيَنْتَهُنَّ عَنْ ذَلِكَ أَوْ لَتُخْطَفَنَّ أَبْصَارُهُمْ. Maana yake, “Kwa nini watu wanainua macho yao juu mbinguni wakati wa Salaa. Basi waache kufanya hivyo au macho yao yatapofuliwa.” Na baadhi ya wanavyuoni wanasema ikiwa kama anayesali atakuwa akiangalia angalia juu kwa kukusudia kila mara Salaa yake inaharibika.
|
|
Published By Said Al Habsy Anayesali anatakiwa macho yake yaangalie chini sehemu anayosujudu. Na wala haipendezi kuangalia pembeni, kwani kufanya hivyo ni katika upungufu wa unyenyekevu katika Salaa. Kasema Bibi Aisha R.A.AH., “Nilimuuliza Mtume S.A.W. kuhusu kuangalia angalia pembeni wakati wa Salaa akanijibu akasema,[1] “ إِنَّمَا هُوَ اخْتِلاسٌ يَخْتَلِسُهُ الشَّيْطَانُ مِنْ صَلاةِ الْعَبْدِ. Maana yake, “Huo ni wizi anaiba sheitani baadhi ya Salaa ya mja.” Na ikiwa mtu atakusudia na akafanya mara kwa mara basi Salaa yake itaharibika.
|
|
Published By Said Al Habsy Haipendezi kuyafumba macho katika Salaa, bali inatakiwa anaesali ayafungue macho yake kikawaida. Kasema Ibn Abbas R.A.A., “Kasema Mtume S.A.W.,[1] “ اذا قام أحدكم في الصلاة فلا يغمض عينيه. Maana yake, “Ikiwa amesimama mmoja wenu katika Salaa asifumbe macho yake.”
|
|
Published By Said Al Habsy Kila anaesali anatakiwa awe mwenye nishati, makini, aliehudhurisha viungo na akili zake zote wakati wa Salaa. Ikiwa itamjia hali ya uvivu na kumsababisha kwenda mwayo ajizuie kwa uwezo wake, na ikiwa akishindwa basi aufunike mdomo wake kwa kutumia kiganja cha mkono wake wa kushoto kwa nyuma. Kasema Abi Said Khudry R.A.A., “Kasema Mtume S.A.W.,[1] “ إِذَا تَثَاءَبَ أَحَدُكُمْ فَلْيَكْظِمْ مَا اسْتَطَاعَ . Maana yake, “Ikiwa ataenda mwayo mmoja wenu ajizuwie kwa kadiri atakavyoweza.”
[1] At-Ttirmidhiy 2/116 (338), Ahmad 18/339 (8797), pia mfano wa Hadithi hii imetolewa na Bukhaari, Ibn Maajah 3/232(958), Abu Daawud 13/215 (4372), wengineo wameongezea, "Sheitani anaingia"; Sheitani anamcheka". |
|
Published By Said Al Habsy Haipendezi kutabasamu katika Salaa hata kama ni kidogo, ikiwa shetani atamchezea na kumpelekea kutaka au kutabasamu ajizuwie kwa kadri vile atakavyo weza. |
|
Published By Said Al Habsy Haipendezi kwa mtu anaye sali kuufunika mdomo wake na pia kuitundika nguo juu ya mabega yake bila kuivaa. Kasema Abu Huraira R.A.A., [1]“ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ نَهَى عَنْ السَّدْلِ فِي الصَّلاةِ وَأَنْ يُغَطِّيَ الرَّجُلُ فَاهُ. Maana yake, “Mtume S.A.W. amekataza kuigemeza (kuweka) nguo juu ya mabega bila ya kuivaa (kama vile joho) wakati wa Salaa na mtu kuufunika mdomo wake.” (vyote hivi ni vitendo ambavyo vinampelekea mtu kumuondelea utulivu katika Salaa).
|
|
Published By Said Al Habsy Haipendezi kwa anayesali kutega sikio kusikiliza sauti zilizo nje ya Salaa, au kuvuta harufu inayomuijia kwa kukusudia. Ikiwa atafanya hivyo wanavyuoni wengi wanasema Salaa yake itaharibika. |
|
Published By Said Al Habsy Imekatazwa kusali hali ya kuwa anaesali amebanwa na haja yoyote ile[1]. Inavyo amrishwa wakati wa kutawadha ikiwa amebanwa na haja basi aitoe kwanza. Kasema Ibn Abbas R.A.A., "Kasema Mtume S.A.W.,[2] “ لاَ يُصَلِّي أَحَدُكُمْ وَهُوَ زَنَّاءُ. Maana yake, “Asisali mmoja wenu na huku ameizuia haja ndogo”. Pia kasema Ibn Abbas R.A.A..,[3] “ نَهَى أَنْ يُصَلِّي الرَّجُلُ وَهُوَ يُدَافِعُ الأَخْبَثَيْنِ. Maana yake, “Amekataza mtu kusali na huku amezuia haja mbili.”
|