Published By Said Al Habsy

Wakati mtu anasali aweke kizuizi, au alama ya kujulisha sehemu ya mwisho wa msala wake, ili kusudi mtu mwingine asiweze kumkatisha Salaa yake. Kasema Abu Huraira R.A.A., “Kasema Mtume S.A.W.,[1] “

إِذَا صَلَّى أَحَدُكُمْ فَلْيَجْعَلْ تِلْقَاءَ وَجْهِهِ شَيْئًا فَإِنْ لَمْ يَجِدْ فَلْيَنْصِبْ عَصًا فَإِنْ لَمْ يَكُنْ مَعَهُ عَصًا فَلْيَخْطُطْ خَطًّا ثُمَّ لا يَضُرُّهُ مَا مَرَّ أَمَامَهُ.

Maana yake, “Anaposali mmoja wenu basi aweke mbele yake chochote kile (kizuizi) ikiwa hana cha kuweka basi aweke fimbo; na akiwa hana fimbo, basi achore mstari kwani hakitamdhuru chochote kitakachopita mbele yake.” Pia kasema Musa Talha kutoka kwa baba yake, "Kasema Mtume S.A.W.,[2] “

إِذَا وَضَعَ أَحَدُكُمْ بَيْنَ يَدَيْهِ مِثْلَ مُؤْخِرَةِ الرَّحْلِ فَلْيُصَلِّ وَلا يُبَالِ مَنْ مَرَّ وَرَاءَ ذَلِكَ

Maana yake, “Akiweka mmoja wenu mbele yake mfano wa tandiko la farasi, asali na isimshughulishe anaepita upande mwingine”

Published By Said Al Habsy

Sitra au kizuizi hicho kiwe karibu na sehemu anayo sujudu, na iwepo nafasi ya kutosha ya kumuwezesha kusujudu bila ya kudhikika. Kasema Sahli bin Saidi, “Kasema Mtume S.A.W., [1]“

كَانَ بَيْنَ مُصَلَّى رَسُولِ اللَّهِ صَلَّى اللَّهُ عَلَيْهِ وَسَلَّمَ وَبَيْنَ الْجِدَارِ مَمَرُّ الشَّاةِ.

 Maana yake, “Ilikuwa baina ya msala wa Mtume S.A.W. na ukuta mpito wa mbuzi.”

Published By Said Al Habsy

Hairuhusiwi kumkatiza mtu anayesali baina yake na sitra alioiweka ingawa haimuharibii Salaa yake. Na kufanya hivyo bila ya sababu ni maasia. Kasema Jabir bin Zeid R.A.A., “Kasema Mtume S.A.W.,[1] “

لَوْ يَعْلَم الْمَارُّ بَيْنَ يَدَيِ الْمُصَلِّي مَاذَا عَلَيْهِ لَوَقَفَ أَرْبَعِينَ، خَيْرًا لَهُ مِنْ أَنْ يَمُرَّ بَيْنَ يَدَيْهِ

Maana yake, “Angelifahamu mwenye kupita mbele ya mwenye kusali kitu gani juu yake angelisimama arubaini ingelikuwa kheri kwake kuliko kupita mbele yake (anaesali, yaani kumkatisha Salaa).” Alisema Jabir, “Wamesema baadhi ya watu makusudio yake vipupwe arubaini, wengineo wamesema miezi arubaini na wengine wamesema siku arubaini.”

Published By Said Al Habsy

Anayesali asimruhusu mtu kupita mbele yake kwa kukamkatisha baina yake na baina ya sitra alioiweka. Kasema Said Al-Khudhry, “Kasema Mtume S.A.W., [1]“

إِنَّ أَحَدَكُمْ إِذَا كَانَ فِي الصَّلاَةِ فَلاَ يَدَعْ أَحَدًا يَمُرُّ بَيْنَ يَدَيْهِ، وَلْيَدْرَأْ مَا اسْتَطَاعَ، فَإِنْ أَبَى فَلْيُقَاتِلْهُ فَإِنَّمَا هُوَ شَيْطَانٌ.

Maana yake, “Iwapo mmoja wenu yumo ndani ya Salaa basi asimuachie mtu apite mbele yake, bali amzuie kama awezavyo, na akikataa amsukume kwa nguvu kwani huyo ni Shetani.”

Na kitendo hichi cha kumzuia mtu au amsikatishe baina yake na sitra wakati wa Salaa, hakimuharibii Salaa.