Published By Said Al Habsy

Inaruhusiwa mtu aliye na sababu maalum zinazokubaliwa kisheria, kutokuelekea kibla wakati wa Salaa, na hali anajua mahala kibla kilipo kama ifuatavyo:

Published By Said Al Habsy

Ikiwa mtu atahofia adui au mnyama mkali anaemfuata, au yuko vitani mstari wa mbele anapigana na adui, na atahofia nafsi yake, au mali yake kupata madhara, basi anaruhusiwa kusali kwa kuelekea sehemu anayo fikiri kuwa atapata usalama.  Kasema Mwenyezi Mungu S.W.T. katika Suratil Baqara aya 239, “

﴿فَإِن خِفتُم فَرِجَالاً أَو رُكبَاناً﴾.

Maana yake, “Na kama mkiwa na khofu (kusali kidasturi mmo katika kupigana basi salini) hali mnakwenda kwa miguu au mmepanda wanyama.”

Published By Said Al Habsy

Mtu ambaye hawezi kuelekea kibla kutokana na maradhi, au sababu nyingine ambazo haziko katika uwezo wake, basi anaruhusiwa kuelekea sehemu ambayo anayoweza kuelekea kufuatana na uwezo wake. Kasema Anas bin Malik R.A.A., “Kasema Mtume S.A.W., [1]“

إِذَا نَهَيْتُكُمْ عَنْ شَيْءٍ فَانْتَهُوا، وَإِذَا أَمَرْتُكُمْ بِشَيْءٍ فَأْتُوا مِنْهُ مَا اسْتَطَعْتُمْ.

Maana yake, “Nikikukatazeni kitu basi kiacheni, na nikikuamrisheni kitu basi kifanyeni kwa kadiri ya uwezo wenu.”

Published By Said Al Habsy

Ikiwa mtu anasafiri nae yuko juu ya kipando cha safari anachosafiria kama vile amepanda mnyama, au gari, au meli, au ndege, basi atasali akiangalia kule anako elelekea, kama hatoweza kuelekea kibla. Kasema Umar R.A.A., [1]"

كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُصَلِّي عَلَى رَاحِلَتِهِ فِي السَّفَرِ حَيْثُمَا تَوَجَّهَتْ بِهِ رَاحِلَتُهُ. قَالَ الرَّبِيعُ: وَذَلِكَ فِي النَّوَافِلِ

Maana, “Mtume wa Mwenyezi Mungu S.A.W. akiwa safarini alikuwa akisali juu ya kipando chake (chombo au mnyama aliempanda) akisali akielekea mahali kinapoelekea kipando chake (anapokwenda).” Kasema Ar-Rabi`i, “Hizi ni katika Salaa za Nawaafil.”