Published By Said Al Habsy

Iachwe muda kidogo baina ya adhana na iqama ili watu wajitayarishe kwa Salaa (kutawadha). Kasema Jabir bin Abdallah R.A.A., “Kasema Mtume S.A.W., [1]“

وَاجْعَلْ بَيْنَ أَذَانِكَ وَإِقَامَتِكَ قَدْرَ مَا يَفْرُغُ الْآكِلُ مِنْ أَكْلِهِ وَالشَّارِبُ مِنْ شُرْبِهِ وَالْمُعْتَصِرُ إِذَا دَخَلَ لِقَضَاءِ حَاجَتِهِ وَلَا تَقُومُوا حَتَّى تَرَوْنِي.

Maana yake, “Na jalia kati ya adhana yako na ikama yako muda utakaomtosheleza mtu anayekula kumaliza chakula chake, na mwenye kunywa kumaliza kinywaji chake, na aliyekwenda chooni kujisaidia kumaliza haja yake, na wala msisimame kukimu mpaka mmeniona (na Mtume S.A.W. alisema hivi kwa sababu yeye ndiye aliyekuwa Imam).” Na hii ni dalili ya kwamba anayemiliki iqama ni Imam wa Salaa.

Published By Said Al Habsy

Ikiadhiniwa haitakiwi aliyekuwemo msikitini kutoka bila ya dharura. Kasema Abu Huraira R.A.A., “Alitoka mtu ndani ya msikiti baada ya kuadhiniwa akasema, “Huyu amemuasi Aba Al Kasim S.A.W. halafu akasema ametuamrisha Mtume S.A.W., [1]“

إِذَا كُنْتُمْ فِي الْمَسْجِدِ فَنُودِيَ بِالصَّلاةِ فَلَا يَخْرُجْ أَحَدُكُمْ حَتَّى يُصَلِّيَ.

 Maana yake, “Ikiwa muko ndani msikitini na ikaadhiniwa kwa Salaa basi asitoke mpaka asali”.

Published By Said Al Habsy

Baina ya adhana na Iqama ni wakati ulio barikiwa ambao dua za mja zinakubaliwa. Kwa hivyo inapendeza wakati huo mtu ajishughulishe sana na kuomba dua, na ni nani katika sisi asiekuwa na shida au asie muhitaji?. Kutoka kwa Anas bin Malik R.A.A. kasema, “Kasema Mtume S.A.W, [1]“

لا يُرَدُّ الدُّعَاءُ بَيْنَ الأَذَانِ وَالإِقَامَةِ.

Maana yake, “Hairudishwi dua baina ya adhana na Iqama”.