Published By Said Al Habsy

Hakika katika kuadhini kuna thawabu nyingi na fadhila tukufu, namuomba Mola Mtukufu ataujaalie sote tuwe katika waadhini. Kasema Mwenyezi Mungu Mtukufu katika Surat Fuss`illat aya ya 33, “

﴿وَمَنْ أَحْسَنُ قَوْلاً مِّمَّن دَعَآ إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ﴾.

Maana yake, “Na ni nani mbora wa kusema kuliko aitaye kwa Mwenyezi Mungu na akatenda mema, na akasema: Hakika mimi ni katika Waislamu?” Zifuatazo ni hadithi za Mtume S.A.W. zinazo elezea fadhila za kuadhini kama ifuatavyo:

Published By Said Al Habsy

Kasema Abu Huraira R.A.A, “Kasema Mtume S.A.W.[1] "

لَوْ يَعْلَمُ النَّاسُ مَا فِي النِّدَاءِ وَالصَّفِّ الْأَوَّلِ ثُمَّ لَمْ يَجِدُوا إِلَّا أَنْ يَسْتَهِمُوا عَلَيْهِ لاسْتَهَمُوا.

Maana yake, “Wengelijua watu nini thawabu za adhana na za kusimama mstari wa mbele (wakati wa Salaa), na kama hawakupata ila kwa kupiga kura basi wangelipiga kura”.

Published By Said Al Habsy

Abu Sa`id L-Khudriy R.A.A. kasema kumwambia mtu mmoja, [1]“

إنِّي أَرَاكَ تُحِبُّ الْغَنَمَ وَالْبَادِيَةَ فَإِذَا كُنْتَ فِي غَنَمِكَ وَبَادِيَتَكَ فَأَذَّنْتَ لِلصَّلاَةِ فَارْفَعْ صَوْتَكَ، فَإِنَّهُ لاَ يَسْمَعُ صَوْتَ الْمُؤَذِّنِ جِنٌّ وَلاَ إِنْسٌ وَلاَ شَيْءٌ إِلاَّ شَهِدَ لَهُ يَوْمَ الْقِيَامَةِ.

Maana yake, “Mimi nakuona unawapenda mbuzi na jangwa, ukiwa kwa mbuzi wako na jangwani kwako ukaadhini kwa Salaa, basi nyanyua sauti yako, kwani haisikii sauti ya muadhini jini wala Binaadamu wala chochote kile ila kitamshuhudia siku ya Qiyama,” hivi ndivyo nilivyosikia kutoka kwa Mtume wa Mwenyezi Mungu S.A.W.”.

Published By Said Al Habsy

Kasema Muawiya, "Nimemsikia Mtume S.A.W. akisema,[1] “

الْمُؤَذِّنُونَ أَطْوَلُ النَّاسِ أَعْنَاقًا يَوْمَ الْقِيَامَةِ

 Maana yake, “Waadhini shingo zao (zitakuwa) ndefu siku ya kiama.” (Watakua mashuhuri)”.

Published By Said Al Habsy

Kasema Abu Huraira, “Kasema Mtume S.A.W, [1]“

اللَّهُمَّ أَرْشِدْ الأَئِمَّةَ وَاغْفِرْ لِلْمُؤَذِّنِينَ.

Maana yake, “Ee Mwenyezi Mungu waongoze ma Imam na wasamehe waadhini.” Hadithi ilio hadithiwa na Ibn Umar R.A.A. kasema, “Kasema Mtume S.A.W., [2]“

ثَلاثَةٌ عَلَى كُثْبَانِ الْمِسْكِ أُرَاهُ قَالَ يَوْمَ الْقِيَامَةِ عَبْدٌ أَدَّى حَقَّ اللَّهِ وَحَقَّ مَوَالِيهِ وَرَجُلٌ أَمَّ قَوْمًا وَهُمْ بِهِ رَاضُونَ وَرَجُلٌ يُنَادِي بِالصَّلَوَاتِ الْخَمْسِ فِي كُلِّ يَوْمٍ وَلَيْلَةٍ.

Maana yake, “Watatu (yaani watu aina tatu) siku ya kiyama watakuwa juu ya matuta ya miski nawaona. Akasema, “Mja atakae timiza haki ya Mwenyezi Mungu na haki ya bwana wake, na mtu ambae anawasalisha watu na hali ya kuwa wako radhi nae. Na mtu anaeadhini kwa ajili ya Salaa tano kila siku mchana na usiku”.