Published By Said Al Habsy

Je istiadha inatakiwa kisharia wakati wa kusoma Qur'ani katika sala za sunna na nafla au inatakiwa wakati wa kusoma Qur'ani katika sala za fardhi tu ?

Istiadha haikupangiwa sala ya fardhi peke yake, kama ambavyo kusoma Qur'ani hakujapangiwa sala ya fardhi peke yake. Na Allah Taala anasema:ﭽ ﮝ ﮞ ﮟ ﮠ ﮡ ﮢ ﮣ ﮤ ﭼ{Na ukisoma Qur'ani mwombe Mwenyezi Mungu akulinde na Shetani maluuni}Aya hii inabainisha kuwa istiadha inatakiwa kisharia kila inaposomwa Qur'ani katika sala au penginepo. Na Allah anajua zaidi.

Published By Said Al Habsy

Je istiadha ni lazima katika kila rakaa ya sala ?

Kauli waliyokubaliana katika madhehebu yetu kwamba istiadha inakuwa katika rakaa ya kwanza ya sala na hapana istiadha katika rakaa zilizobaki. Na Allah anajua zaidi.

Published By Said Al Habsy

Nini kauli yenu kukhusu mtu anayesali kwa kukaa katikati ya safu hali ya kuwa anaweza kwenda masafa ya kilomita tatu, je inamjuzia hivyo?

Hasali kwa kukaa ila anayeshindwa kusimama, kwani kusimama ni katika nguzo za sala haiachwi ila kwa kushindwa kuitekeleza, na mwenye kwenda masafa hayo hashindwi kusimama kwa ajili ya sala na kwa hiyo haikubaliwi sala yake kwa kukaa. Na Allah anajua zaidi.

Published By Said Al Habsy

Mtu hawezi kusema kwasababu ya maradhi ya kudumu vipi atasali na kufunga ?

Anapaswa asali kwa moyo na afanye kila analoweza kama rukuu, sujudu, kusimama na kukaa; asiloweza kufanya amesameheka. Vile vile inamlazimu saumu akiwa anaiweza; akiwa hawezi kufunga alishe maskini mmoja kwa kila siku. Hayo ikiwa akili yake nzima, ama akipoteza akili atakuwa si mkalifiwa na hakitamlazimu chochote. Na Allah anajua zaidi.