Published By Said Al Habsy

Je uchukivu wa kusali nafla baada ya sala ya alasiri unamalizika kwa kuingia wakati wa fardhi ya magharibi au baada ya kumaliza kusali fardhi ya magharibi ?

Tamko la hadithi iliyothibiti kuhusu katazo la kusali baada ya alasiri ni : « Hapana sala baada ya alasiri mpaka jua lichwe », nalo linatosha katika kuonesha kuwa katazo hilo linamalizika kwa kuchwa jua. Na Allah anajua zaidi.

Published By Said Al Habsy

Kama nimeingia msikitini kabla ya adhana ya magharibi kwa kiasi nusu saa, je nisali rakaa mbili za maamkizi ya msikiti au la ?

Kwa kuwa jua wakati huo linakuwa limeanza kuwa manjano usisali rakaa mbili za maamkizi ya msikiti, na inakutosha kuleta dhikri ya albaaqiyaatu a’saalihaatu kabla hujakaa (yaani subhana’Llah, walhamduli’Llah, wala ilaha illa’Llah, wa’Llahu akbar, wala hawla wala quwwata illa bi’Llah). Na Allah anajua zaidi.

Published By Said Al Habsy

Upi ndiyo mwisho wa wakati wa sala ya alfajiri ?

Mwisho wa wakati wake ni kuchomoza kwa miale ya jua. Na Allah anajua zaidi.

Published By Said Al Habsy

Je injuzu kumsalia maiti wakati jua linapokuwa katikati ya mbingu ?  

Lazima sala iakhirishwe jua linapokuwa katikati ya mbingu katika kipindi cha joto kali mpaka jua liwe limekwisha pindukia. Na Allah anajua zaidi.

Published By Said Al Habsy

Mtu anasoma katika nchi ya Ulaya na hapana msikiti katika eneo analokaa wala hapana waislamu ambao angewauliza kuhusu upande wa kibla na nyakati za sala, nini afanye ?

Anapaswa ili ajue kibla atumie dira ya kumuonesha upande wa kibla, nayo ipo na inapatikana kwa urahisi, na wa kushukuriwa ni Allah. Ama nyakati za sala, ajaribu kuzijua kwa kuzingatia nyakati za kuchomoza, kuchwa na kupindukia kwa jua. Na Allah anajua zaidi.

Published By Said Al Habsy

Je injuzu kuichelewesha sala ya isha mpaka katikati ya usiku au zaidi ya hapo ?

Katika kujuzu hilo kuna khilafu na kuliacha ni bora. Na Allah anajua zaidi.

Published By Said Al Habsy

Je inajuzu kusali nafla baada ya adhana ya alfajiri au la ?

Kwasababu tumekuta kutokana na waliotangulia kwamba hapana sala baada ya adhana ya alfajiri isipokuwa sunna na rakaa mbili za fardhi.Kinachozingatiwa si adhana bali ni kuchomoza alfajiri ya kweli. Ikiadhiniwa baada ya kuchomoza alfajiri ya kweli basi hapana sala kabla ya fardhi isipokuwa sunna ya alfajiri. Ikiadhiniwa kabla ya hapo haikatazwi kusali nafla. Na Allah anajua zaidi.

Published By Said Al Habsy

Miongoni mwa nyakati ambamo haijuzu kusali ni wakati jua linapokuwa katikati ya mbingu. Katika majira gani huwa hilo : ya Joto au ya Baridi ?

Hilo ni majira ya joto kali siyo majira ya baridi. Na Allah anajua zaidi.