Published By Said Al Habsy

Je inasihi sala kwa kanzu ya miksi na chini yake imevaliwa kivazi kingine siyo suruali ? Na nini hukumu ya kuivaa si kwa ajili ya sala ?

Kivazi kikiwa kinasitiri kinachowajibika kusitiriwa haikatazwi kuisalia. Na Allah anajua zaidi.

Published By Said Al Habsy

Je inajuzu sala ya mwanamke asiyefunika sehemu ya mbele ya kichwa chake katika sala anayevaa nguo nyepesi na fupi zinaonesha mwili wake ?

Haijuzu sala ya mwanamke kwa namna hii; anapaswa awe katika stara kamili iliyofaridhishwa. Na Allah anajua zaidi.

Published By Said Al Habsy

Je inamjuzia Muislamu mwanamme kuburuza shuka yake katika sala au nje ya sala?

Kuburuza shuka ni hakuruhusiwi na ni katika makosa makubwa, nako ni katika sifa za waovu, na Allah haikubali sala ya mwenye kufanya hilo, iwe katika sala tu au katika sala na nje yake; kwani Allah Taala amesema:ﭽ ﮙ ﮚ ﮛ ﮜ ﮝ ﭼ{Mwenyezi Mungu huwapokelea wachamungu}Nguo nyenginezo ni kama shuka katika hukumu hii. Imetajwa shuka katika hadithi kwasababu ndiyo ambayo aghlabu ikitumika. Na Allah anajua zaidi.

____________________________________________

Aya ya 27, Surat Almaaida.

Published By Said Al Habsy

Je katazo la kuvaa saa katika sala ni la kuharamisha au la kuchukizisha ?

Mtume –rehma za Allah na amani zimshukie- amekataza kusali na risasi au na shaba. Maadini yaliyobaki yakapimwa na mawili haya na kupewa hukumu hii kwa vile yanafanana na haya katika sifa ya kufulika. Kisha kumekuwapo khilafu juu ya makusudio ya katazo hili: kuna kauli kuwa ni la kuharamisha kwasababu makusudio ya asili katika makatazo ni kuharamisha; kauli hii ndiyo aliyoipa nguvu Imam A'Saalimi – Allah amrehemu, na kuna kauli kuwa katazo hili ni la kuchukizisha. Na Allah anajua zaidi.

Published By Said Al Habsy

Nini hukumu ya mwenye kusali akiwa amevaa saa yake mkononi ?Ikiwa kuivaa wakati wa sala kumekatazwa kisharia, nini hukumu akikumbuka kuwa ameivaa baada ya kuhirimia (kupiga takbira ya ihramu)?

Sioni kuwa kusali na saa mkononi kunajuzu, kutokana na yaliyothibiti katika Musnad Sahihi ya Imam A'Rabii' bin Habib –Allah amrehemu- ya kwamba Mtume –rehma za Allah na amani zimshukie- amekataza kusali na risasi au na shaba, kwani maadini yaliyobaki hukumu yake ni sawa na hukumu ya mawili hayo yakilingalishwa nayo. Na Allah anajua zaidi.Katika fatwa nyingine mfano wa hii aliongeza Mstahiwa Sheikh: Na pakiwa na ulazima wa kuihifadhi mali –yaani hayo maadini- basi hapana neno kusali nayo na halikadhalika mwenye kusahau, lakini akikumbuka katika sala aivue, kama alivofanya Mtume –rehma za Allah na amani zimshukie- alipokivua kiatu chake katika sala wakati Jibril alipomwambia kuwa kina damu ya kupe. Na Allah anajua zaidi.Na katika fatwa nyengine kasema Mstahiwa Sheikh: Lakini hilo halizuii mwenye kusali kuichukua ndani ya mfuko wa nguo yake au pahala po pote ambapo haigusani na mwili wake. Na Allah anajua zaidi.

Published By Said Al Habsy

Nini hukumu ya kuweka "sutra" (alama ya kuzuia pasipitwe mbele yake) kwa mwenye kusali ? Na wapi aiweke? Na iwe na urefu gani?

Ni wajibu kufanya hivo ikiwezekana, na aiweke kunako kibla chake, na urefu wake uwe shubiri mbili au tatu. Na Allah anajua zaidi.

Published By Said Al Habsy

Nini hukumu ya kusali na mbele kuna mtu amelala au anazungumza au mwanamke au mnyama au mapicha au maji yanayopita au kaburi ?

Inachukiwa kusali na mbele kuna mtu amelala au anazungumza, ama mwanamke na vilivotajwa baada yake vikiwa mbele yake basi aweke baina yake na hivyo kizuizi na itatosha. Na Allah anajua zaidi.

Published By Said Al Habsy

Nini hukumu ya sala akipita mbwa au punda mbele ya mwenye kusali ?

Kuna khilafu katika hilo. Wengi wa wenye ilmu wanaona sala inabatilika kwa hilo ikiwa kupita huko hakukuwa baada ya "sutra". Na baadhi yao wanaona haibatiliki kwa hilo, kwasababu sala si kamba iliyovutwa ambayo hukatika wakipita wapitao, bali ni mawasiliano baina ya mja na Mola wake, yanaunganishwa na wema wa moyo na yanakatwa na uovu wa moyo. Hii ni kauli ya kundi kati ya maulama wetu nayo ndiyo yenye nguvu kwani hatukuona dalili yo yote katika sunna inayoonesha kubatilika kwa sala. Bali yote yaliyokuja katika sunna yanaonesha kuzuia mpitaji kupita mbele ya mwenye kusali na amri ya kumsukuma akipita hakuna zaidi ya hayo. Na kauli ya kubatilika sala inategemea kuwapo dalili lakini hakuna dalili isipokuwa hayo tuliyoyataja, ambayo hayatoshi kufanywa dalili juu ya hilo. Na Allah anajua zaidi.

Published By Said Al Habsy

Mimi ninafanya kazi katika idara ya kiaskari na ninavaa suruali yenye kukamata maungo yangu, na masafa baina ya mji wangu na kazini ni kiasi kilomita 95, je inanijuzia kusali na kivazi hicho ?

Isipowezekana kusali ila kwa hali hii basi sali hivo hivo na hapana kosa juu yako kwani yanajuzu katika hali ya kulazimika yasiyojuzi katika hali ya khiari. Na Allah anajua zaidi.

Published By Said Al Habsy

Nini usahihi wa hadithi za Mtume zinazoeleza kuwa inajuzu kusali na viatu ?

Hadithi hizo ni sahihi lakini inashurutishwa viatu viwe tahiri na vidole visinyanyuke vikawa havigusi ardhi wakati wa kusujudu. Na Allah anajua zaidi.

Published By Said Al Habsy

Nini kauli yenu kukhusu kusali na shuka imaji ? Na je ni lazima kuvaa kanzu juu yake au inatosha kujifunga shuka hiyo ?

Haikatazwi kusali na shuka imaji kama juu yake pana nguo inazuia kutokeza maungo ya mwili ambayo yanadhihirika yakigandwa na nguo imaji. Vile vile nguo moja inatosha kwa kusalia ila inatakiwa ifungwe kwa juu kuchelea utupu kukashifika. Na Allah anajua zaidi.

Published By Said Al Habsy

Nini kauli yenu kukhusu mwenye kusali kichwa wazi, je sala yake imetimia ?

Haipasi kwa asiyekuwa muhrim kusali kichwa wazi kwasababu yeye katika sala yake ananong’ona na Mola wake na kwa hiyo inapasa awe katika namna nzuri na ya kupendeza kabisa kutokana na kauli Yake Taala :ﭽ ﭔ ﭕ ﭖ ﭗ ﭘ ﭼ{Chukueni mapambo yenu wakati wa kila sala}.Na mwenye kusali kichwa wazi sala yake haikuharibiki. Na Allah anajua zaidi.

Published By Said Al Habsy

Nini hukumu ya kuvaa viatu wakati wa sasa tunaposali hasa ikiwa viatu hapana uhakika wa kuwa tahiri ?

Kwa kuwa viatu vya sasa vinainyanyua miguu isiguse ardhi katika kusujudu havijuzu kusalia, mbali vikiwa vina najsi. Na Allah anajua zaidi.

Published By Said Al Habsy

Nini hukumu ikiwa mtu kasalisha watu na kivazi chake si kamili kwasababu kavaa suruali na shati la mikono mifupi na bila kofia ?

Mwenye kustiri sehemu zake za siri ambazo ni baina ya kitovu na magoti hakatazwi kusalisha. Na kuna kauli kuwa lazima pamoja na hivyo kustiri kifua, tumbo, mgongo na mabega. Na Allah anajua zaidi.

Published By Said Al Habsy

Je inajuzu kusalia nguo yenye picha za viumbe?

Kuna khilafu juu ya hilo baina ya maulama. Baadhi yao wameharamisha kusalia nguo yenye picha za viumbe, kama ilivothibiti katika hadithi sahihi aliyoitoa Imam A 'Rabii’ na Masheikh Wawili (Al Bukhari na Muslim) na wengineo kati ya maimamu wa hadithi, kwamba Mtume wa Allah –rehma za Allah na amani zimshukie- alikuja nyumbani kwa Aisha –Allah amridhiye- ambaye alikuwa kanunua takia lina picha za viumbe. Mtume –rehma za Allah na amani zimshukie- alipoliona takia hilo alisimama nje hakuingia. Aisha –Allah amridhiye- akamwambia : Ewe Mtume wa Allah ! natubu kwa Allah kutokana na nililofanya. Mtume –rehma za Allah na amani zimshukie- akamwabia : La nini takia hili ? Aisha akasema : Nimekununulia wewe uliegemee. Mtume akasema : Hakika wanaochora picha hizi wataadhibiwa siku ya kiyama na wataambiwa : Vipeni uhai mlivyoviumba.Na kuna wengine waliosema nguo haiingii katika hukumu hiyo kutokana na hadithi ya Abu Talha –Allah amridhiye- isemayo : « Isipokuwa zilizonakshiwa nguoni ». Lakini hadithi hii hairuhusu kusalia nguo yenye picha za viumbe ; inachoruhusu ni kuibakisha picha iliyomo nguoni kama ilivo ili mtu asiharibu nguo yake, tafauti na waonao iharibiwe kama ilivyopokewa kutoka kwa Imam Abu Ayub Wail Al Hadhrami –Allah amrehemu. Na ikiwa Mtume –rehma za Allah na amani zimshukie- alikataa kusalia shuka yenye miraba ambayo Abu Jaham alimzawadia na akamrudishia kwasababu alikhofia itamshughulisha katika sala yake na kumtoa katika unyenyekevu kefu nguo yenye picha za viumbe, na kefu mtu mwengine asiyekuwa yeye Mtume –rehma za Allah na amani zimshukie- na hali yeye Mtume –rehma za Allah na amani zimshukie- kawazidi watu wote kwa unyenyekevu wa moyo na wingi wa yakini na kuzingatia anachosoma katika sala yake. Bali mtu mwengine lazima awe na hadhari zaidi kwasababu taathira ya wasiwasi wa Shaitani ni kubwa mno juu yake. Na Allah anajua zaidi.

Published By Said Al Habsy

Je inamjuzia mtu kusalia nguo ya mikono mifupi ?

La wajibu kwa maafikiano ya wote katika sala ni kufunika sehemu ya siri. Sehemu ya siri kwa mwanamme ni kuanzia kitovuni hadi magotini. Hivyo, mtu akijifunika kuanzia kitovuni hadi magotini huwa amestiri sehemu yake ya siri. Kuna khilafu je ni juu yake pamoja na hivo astiri tumbo, mgongo na sehemu ya juu ya mikono au la ; kauli moja inasema lazima sehemu hizi zistiriwe na kauli nyengine inasema inapendelewa zistiriwe. Na kwa hali yo yote kama atasalia nguo ambayo haikufunika mikono yake, sala yake ni sahihi na imetimia kwa makubaliano ya wote. Na Allah anajua zaidi.

Published By Said Al Habsy

Je ni kweli kuwa mmetoa fatwa kwamba sala ya watu inabatilika ikiwa aliye nyuma ya imam (sutra) amerefusha nguo yake ikafunika vifundo vya miguu? Kama hilo ni kweli nini kosa la yule aliye mwisho wa safu naye hakurefusha nguo yake ? Kisha sisi tuna mtihani wa bwana mmoja mtu mzima daima anakuwa sutra naye haachi kurefusha nguo yake, na anasema suala la kubatilika sala ya mwenye kurefusha nguo halikuwapo katika enzi za maimamu, na kwamba kurefusha nguo kumeharamishwa kukiwa kunakusudiwa kujiona ; nini jawabu yenu kwake ?

Fatwa hiyo ni kweli nayo ni katika ambayo haipasi watu watafautiano juu yake kwa vile imethibiti kuwa sala ya mweye kurefusha nguo inabatilika kwa dalili ambazo hazina shaka usahihi wake. Na anayekikabili kisogo cha imamu chote peke yake ikiharibika sala yake inaharibika sala ya safu yake bila khilafu. Penye khilafu ni pale iwapo atashirikiana naye kukabili kisogo cha imamu japo kidogo mtu ambaye sala yake ni sahihi. Suali la nini kosa la wengineo walio mwishoni mwa safu katika lile alifanyalo huyu aliyesimama nyuma ya imamu ni suali lisilostahili kuulizwa ; kwani usahihi na uharibifu wa sala ni katika yanayokhusu maelezo ya wasfu si katika yanayohusu maelezo ya ukalifisho, na kwa hiyo haishurutishwi humo kufanya kwa makusudi ili kuharibu sala. Mfano wake ni kama hadathi inayotengua udhu hata akiwa aliyeifanya hakukusudia. Unaonaje kama mtu atasali na najsi bila kujua ; huyu hana kosa akibakia hajui kwa kuwa ukalifisho umemuondokea, lakini wajibu wa kulipa sala hautamuondokea atakapojua kwa vile sala yake imeharibika, kwasababu uharibifu wa sala ni katika maelezo ya wasfu. Basi halikadhalika kuhusu suala hili. Na madai ya huyo aliyeshikilia kurefusha nguo asiyejali ya kwamba kauli hii haikujulikana katika enzi za maimamu ni uongo mtupu unao onesha ujinga wa mwenye kuyasema na kuendelea kwake kuvutiwa na batili ; kwani yanajulikana yaliyopokewa kwa hao maimamu yakishuhudia kinyume na madai yake. Kisha inatosha Sunna ya Mtume wa Allah –rehma za Allah na amani zimshukie- iliyotoa maamuzi juu ya hilo. Na madai ya kwamba uharamu wa kurefusha nguo umeambatishwa na kujiona si kweli na tumebainisha vipi madai hayo si kweli katika utafiti tulioufanya makhususi kwa suala hilo ambamo tubainisha pia kuwa kurefusha nguo kwenyewe ni kujiona, basi rejea utafiti huo. Na Allah anajua zaidi.