Published By Sh. Hafidh Al-Sawafi

"Ama baada ya hayo,,

Hakika sisi ni wenye kusalimika walio wema ikiwa tutamcha Allah haki ya kumcha, na imenifikia barua yako ukitaja ndani yake kuwa mimi ni watu wa upendo wako na mwenendo wako na nasaha zako kwa yale aliyoyajaalia Allah baina baina yetu na baina yako katika Uislamu, basi hilo ndio nasabu iliyo bora zaidi, nalo ndio bora zaidi la kuwaunganisha watu, na kushikamana kamba zao kwa kamba zake"

(Barua za Imam Jabir bin Zaid Uk. 8).

Published By Sh. Hafidh Al-Sawafi

"Itoshe kwa waja kuwa ni ubaya iwapo watakua katika daraja ya wenye kuona kuwa wao wana ubora juu ya waja wote kwa sababu ya kheri Allah amewajaribu kwayo na akawahusisha nayo, na ujue kuwa mwenye kuidogosha kwake nafsi yake mwenye kuidogosha kwake amali yake yuko katika cheo cha uzuri mbele ya Allah na ukuu, basi jifahamishe katika yanye kuujenga Allah kwayo moyo wako kutoka katika Kitabu cha Allah, kwa hakika msomaji wake ni yule anayejua cheo chake, na mjinga wake ni yule asiyejua mambo yake hata kama kitajulishwa kwa ulimi wake, basi tunamuomba ambaye kwa fadhila zake na rehema zake huwawahi watu wa kuteleza na kukosea, atuwahi na sisi katika yale tuliyomkasirisha ndani yake"

(Risala za Imam Jabir bin Zaid uk. 11)

Published By Sh. Hafidh Al-Sawafi

"Lazimika na uchamungu, utapata kwa hilo yale yaliyoko kwa Allah katika nyongeza ya usiyoyajua katika mema yake ambayo litatulizana kwayo jicho lako, na hayo yote ni kwa yule aliyejua Allah katika nafsi yake ukweli na wema, tunamuomba Allah ambaye elimu yake imekienea kila kitu atusamehe sisi yale yaliyoenewa na elimu yake katika madhambi yetu"

(Rasailu Imam Jabir bin Zaid uk. 13)

Published By Sh. Hafidh Al-Sawafi

"Ikikufikia barua yangu yakusaidie aliyofaradhisha Allah kwako katika usikivu wako na uoni wako na moyo wako na viungo vyako vyote, na usijilegeze katika yale yasiyokua na budi kwako, na jipatie usiyekua na budi naye; kwani hakika ya fakiri mnyonge ni yule mwenye kujiondosha kwa mwenye kumuhitaji na kumuhitaji yoyote asiyemuhitaji"

(Rasail Imam Jabir bin Zaid uk. 16)

Published By Sh. Hafidh Al-Sawafi

"Nakuusia kumcha Allah Mola Mkuu ambaye anayajua kwako usiyoyajua katika nafsi yako, na ambaye anayaona yaliyofichwa na dhamiri yako na kufanyiwa khiyana na macho yako na unayoyadhihirisha na unayoyaficha katika nafsi yako, na yeye yuko karibu yako kuliko mshipa wa shingo yako, basi muangalie Mola huyu ambaye yuko na wewe kwa daraja hiyo na uwe mwenye kumuogopa zaidi na mwenye kumcha yeye zaidi kuliko chengine chochote, na ujue kuwa wewe utakapomtii yeye utakua pamoja na (maridhio) yake katika nyumba yake pamoja na Manabii na Wasadikishaji na Mashahidi na ubora ulioje kuwa pamoja na hao, na ikiwa wewe utamuasi yeye basi atakuingiza motoni ambao muwako wake ni kwa watu na mawe"

Published By Sh. Hafidh Al-Sawafi

Amesema Abu Sufiyan Mahboub bin Ruhail (r.a): "Na ambayo yamepokewa kwetu kutoka kwa Jabir bin Zaid -Rehma za Allah ziwe kwake-, kua yeye aliulizwa: Ni yapi yenye wasaa kwa watu ujinga wake? Basi alisema: ((Ni yale waliyoitakidi uharamu wake ikiwa tu hawajayafanya, au kumpenda aliyeyafanya, au kujitenga na wanaelimu iwapo watajitenga na aliyeyafanya, au kusimama kwa kutowapenda wala kutowachukia))

Amesema Mahboub (r.a): "Ufafanuzi wa aliyosema Jabir bin Zaid wakati alipoulizwa kuhusu yaliyokua na wasaa kwa watu ujinga wake naye akasema: ((Ni yale waliyoitakidi uharamu wake ikiwa tu hawajayafanya, au kumpenda aliyeyafanya, au kujitenga na wanaelimu iwapo watajitenga na aliyeyafanya, au kusimama kwa kutowapenda wala kutowachukia)) hayo ni kua lau mtu hakujua kama ulevi ni haramu wala nguruwe ni haramu na mfano wake miongoni mwa aliyoyaharamisha Allah na hali yeye ni mwenye kuyaramisha, basi huyo yumo katika wasaa wa hilo ikiwa hatoyajua hayo kama yaalivyo, ikiwa hakula nguruwe au hakunywa ulevi au akampenda mwenye kuyafanya hayo au akawachukia Maulamaa iwapo watachukia mwenye kuyafanya hayo, au akasimama kwa kutowapenda wala kuwachukia."

Published By Sh. Hafidh Al-Sawafi

"Hakika mbora wa waumini mbele ya Allah kicheo, kidaraja, na kiutangulizi ni aliye mbora zaidi katika kumuadhimisha yeye na Kitabu chake na Dini yake na makatazo yake, na Allah anawapa waumini kila mwenye daraja kwa daraja yake"

(Rasail Imam Jabir bin Zaid uk. 37)

Published By Sh. Hafidh Al-Sawafi

Alikua Abu Ubaidah (r.a) haipi umuhimu sana mizozo ya suala la Qadar, na alikua akisema: "Wallahi hamuna ndani yake kuoa mwenye mume, wala kulazimika na kuhajiri, wala kuhukumu kwa asiyoyateremsha Allah; kwani hakika yake ni uoni wameutokezesha watu baina yao, basi yoyote mwenye kukubali kuwa Allah amevijua vitu kabla ya kua kwake hivo vitu huyo tayari ameshakubaali Qadar."

Published By Sh. Hafidh Al-Sawafi

Inaelezwa kuwa Imamu Mohammed bin Abdillahi Al-Khalili (r.a) siku moja alihudhuria kwa kusali sala ya Magharibi katika sehemu ya kusalia ndani ya ngome, basi akaamrisha ikimiwe sala, wakati sala inakimiwa mara Imam akanusa harufu ya moshi wa sigara, basi hapo hapo alimuambia mwenye kukimu sala: "Nyamaza" kisha akauliza: "Huu moshi unatokea wapi?" Hapo akaambiwa: Huyu ni mgeni aliye mgeni, naye ndiye mwenye kuvuta sigara. Akasema: Mleteni. Basi alipofika alimwambia: Hakika Waislamu wamekukirimu basi wakakukaribisha katika ngome yao, na wewe hukuwatunzia heshima yao na wala hukutunza heshima ya nafsi yako, hivi unamuasi Allah na wewe ni mwenye kufurahi?!!! Toka nje ya ngome wala hatukukubalii kubakia hapa".

Basi yule mtu akajitayarisha kuondoka asubuhi yake, na Imam akamkabidhi mtu wa kumtoa nje ya ngome, kisha ndio Imam akamrisha kukimiwa sala baada ya kuondosha uovu na makero ya uovu huo.

Ifahamike kuwa Imam Mohamed bin Abdillahi Al-Khalili (r.a) alikamata hatamu za uongozi wa kuiongoza Oman kwa nidhamu ya Uimamu katika mwaka wa 1338 Hijiria naye aliendelea katika Uongozi huo mpaka mwaka 1373 Hijiria amabo ni sawa na 1954 AD.

Pia ifahamike kuwa Wanaelimu wa Kiibadhi wamekubaliana katika uharamu wa kuvuta segereti tokea hapo mwanzo.

Published By Sh. Hafidh Al-Sawafi

Imam Abu Saidi Mohammad bin Said Al-Kudami Allah amrehemu: "Na yoyote katika watu akiacha njia ya haki -ikiwa ni Imamu au mwengine yoyote- hakumdhuru chochote yule aliyethibiti juu ya haki, hata kama huyo aliyethibiti juu ya njia ya haki -ambayo imesihi kwake kuwa ndiyo haki katika makubaliano- ni mmoja na kuendelea, hata kama ni kijakazi mmilikiwa, ikiwa peke yake ndiye aliyethibiti katika njia ya haki, basi yeye ndiye atakayekua hoja juu ya watu wote wa Ardhini.

Na kila atakayekwenda kinyume na njia ya aliyethibiti juu ya haki ambayo imefikiwa na makubaliano kuwa ndiyo haki, huyo atakuwa yuko katika moja ya hali mbili:

1. Ima ni mwenye madai, basi madai yake hayatakubaliwa isipokuwa kwa haki, wala haifai kwake kupigana kwa sababu ya madai yake.

2. Ima atakua ni mwenye kujitosa katika mambo ambayo anayaitakidi uharamu wake, hapo atakuwa amejitia kiburi huyo, amejishindia bila ya njia ya haki."

[Al-Istiqamah 2/40]