Published By Sh. Hafidh Al-Sawafi

Ushirikina uko aina mbili nazo ni :-

1. Ushirikina wa kukataa.
2. Ushirikina wa kufanya usawa.

USHIRKINA WA KUKATAA
Ushirikina huu unapatikana kwa kumkataa Muumba Allah mtukufu, au kukataa jina miongoni mwa Majina yake matukufu au sifa miongoni mwa Sifa zake tukufu, au Nabii miongoni mwa Manabii wake watukufu, au Mtume miongoni mwa Mitume yake mitukufu, au Kitabu miongoni mwa Vitabu vyake vitukufu.

Yote hayo ni baada ya kusimama hoja yake kwa mja, na hukumu ya kutia shaka au wasiwasi katika haya ni sawa na hukumu ya kukataa.

USHIRIKINA WA KUFANYA USAWA
Ushirikina huu unapatikana kwa kuitakidi kuwa Allah anae aliye sawa na yeye katika ibada au katika hukumu zake, au mwenye kufanana na yeye, au aliye mfano na yeye, au kuwa yeye anafanana na vitu katika kugusana au kushikana au kutengana, au kuja au kushuka au kuondoka bila ya kuwepo taawili ya andiko la kisheria.
Na Sheria imehisabu kuwa dhambi ya kujionesha (Riyaa) ni ushirikina, na ikatoa jina lake kuwa ni ushirikina mdogo, kwa sababu mwenye kujionesha anakusudia katika tendo lake asiyekua Allah mtukufu, na kuwa yeye ametaka malipo yake kwa asiyekua Allah, basi amefanya usawa baina ya mwenye kuabudiwa kwa haki Allah mtukufu na mwengine asiyekua yeye, na amefanya kuwa malipo ya Allah mtukufu ni sawa na malipo ya mwengine asiyekua yeye, na mwenye kusema: "Tumepata mvua kwa ajili ya Nyota fulani basi" ameshafanya ushirikina, kwani ikiwa ataitakidi kuwa Nyota fulani ndio inayoumba Mvua na ndio inayoathiri hapo ushirikina wake utakua ni wa usawa, kwa sababu amefanya usawa baina ya kisicho umba wala kuathiri na mwenye kuumba na kuathiri, na inawezekana kuwa ushirikina wake ni wa kukataa kwake kitendo cha Allah kwa kukinasibisha kwa asiyekua yeye, na mwenye kuitakidi manufaa au madhara kuwa yanatoka kwa asikua Allah basi huyo ameshafanya Ushirikina wa Usawa.

Published By Sh. Hafidh Al-Sawafi

Kwa hakika Allah mtukufu ametutajia katika Kitabu chake mila zote za Kidini, nazo ni mila sita kuu, na miongoni mwa mila hizo imo mila ya Kiislamu na zilizobakia ni mila za Kishirikina, basi mila hizo zimo katika neno lake Allah mtukufu.

﴿إِنَّ ٱلَّذِينَ ءامَنُواْ وَٱلَّذِينَ هَادُواْ وَٱلصَّـٰبِئِينَ وَٱلنَّصَـٰرَىٰ وَٱلْمَجُوسَ وَٱلَّذِينَ أَشْرَكُواْ إِنَّ ٱللَّهَ يَفْصِلُ بَيْنَهُمْ يَوْمَ ٱلْقِيـٰمَةِ﴾

﴾Hakika wale ambao wameamini, na wale ambao walio Mayahudi, na Waswabiina, na Wakiristo, na Wamajusi, na wale ambao wanashirikisha; hakika Allah atapambanua baina yao siku ya Kiama﴿

[Al-haji 17]

Tunakutia katika andiko hilo mila sita zifuatazo:

1. Walioamini (Waislamu kwa ujumla).
2. Mayahudi.
3. Waswabiina.
4. Manasara (Wakiristo).
5. Wamajusi.
6. Washirikina waliobakia.

Na kwa hiyo, hizo ndizo Mila za kishirkina, nazo ni Tano ukitoa ile mila ya Tauhidi ya kwanza juu ambayo ndiyo mila ya Waislamu.

Published By Sh. Hafidh Al-Sawafi

Wayahudi na Wasabiina na Wakiristo na Wamajusi; hakika wao ni Wapotevu na Washirikina; kwa sababu hawamuamini Mtume Muhammad (s.a.w), basi hata kama atapatikana katika wao anayeshika Dini yake halitomtosha hilo chochote mbele ya Allah na hukumu yake, bali inalazimika juu yake kuamini Utume wa Muhammad (s.a.w) na kuyakubali aliyo kuja nayo Muhammad (s.a.w) na kukubali kufanya Ibada kwa mujibu wa Sheria ya Muhammad (s.a.w), kwa sababu Sheria ya Muhammad (s.a.w) ni yenye kukalia Sheria zote zilizokua kabla yake, na imekuja katika Hadithi:

(Lau kuwa Mussa yuko hai basi asingeli pata nafasi isipokua ya kunifuata mimi).

Ikiwa hiyo ndiyo hukumu ya Mtume Mussa (a.s.w) wanayemkubali wote hao, basi hukumu hiyo inawalazimu zao wao.Basi watu wa mila hizo wote ikiwa ipo Dola ya Kiislamu na wao wapo katika mamlaka ya mipaka yake, atawaita Kiongozi wa Dola ya Kiislamu na kuwalingania katika kuingia ndani ya Uislamu, na ikiwa watakubali basi hapo watakuwa ni Waislamu, na watapata wao wanayopata waislamu na yatalazimika juu yao yanayolazimika juu ya waislamu.

Na ikiwa watakataa kuingia katika Uislamu hapo atawapa khiyari ya kuingia katika hukumu ya Jizya (kodi maalumu) watakayotoa wakiwa wanyonge, na hakuna katika Jizya kiwango maalumu, lakini itakua kama atakavyoona Kiongozi, na hiyo Jizya italazimika kwa wale wanaoweza kupigana tu katika wao, na sio kwa Mwanamke, wala Mzee mkongwe, wala Mtoto, wala Mkuu wao wa Dini ambae hashughuliki isipokua na Ibada zake, Mkuu huyo ni yule asiyekua marejeo yao katika mambo yao ya kivita dhidi ya Uislamu na Waislamu katika rai, basi ikiwa watatoa Jizya watapata haki ya Dhimma ya Waislamu, haki hiyo ni kuzuia kuwafikia wao katika Madhara yale wanayozuia Waislamu kufika katika Nafsi zao, basi italazimika kwa Dola ya Kiislamu izuie mwenye kutaka kuwadhulumu (Himaya).

Na ikiwa wamekataa kutoa Jizya ya Unyonge basi itakua ni haki kwa Dola ya Kiislamu kuwapiga vita, na hatoondosha kwao hukumu ya vita, na atachukua Ngawira katika mali zao, na kuteka wanawake wao na vizazi vyao mpaka wakubali Uislamu au watoe Jizya ya unyonge.

Published By Sh. Hafidh Al-Sawafi

Itaruhusiwa wa Waislamu kula watavyochinja Wayahudi na Wakiristo, pia kuoa walio huru katika Wanawake wao, na haitakua katika hukumu ya Unajisi -katika kauli- majimaji yao ya kawaida, hayo ikiwa watakua katika Sulhu na Waislamu, na katika kauli nyengine hata ikiwa kuna vita baina yao na Waislamu.

Na hayo hayapatikani kwa Wamajusi.

Ama Wasabiina wao ni watu wamechukua mazuri ya Taurati na Injili na wakawacha Dini zao na wakafanya Dini yao mpya, basi wao ni kama Wayahudi na Wakiristo katika hukumu za kuoa Wanawake wao walio huru na kula watakavyo chinja.

Published By Sh. Hafidh Al-Sawafi

Washirikina waliobakia ambao wanaabudu Masanamu ni sawa ikiwa wana yaabudu kwa njia ya kuitakidi kuwakaribisha wao kwa Allah, au kwa njia ya kuitakidi kuwa yanaleta kheri au yanaondosha madhara kwao, basi hawa -ikiwa Dola ni ya Kiislamu- atawaita Kiongozi katika kuacha ibada ya Masanamu na waingie katika Uislamu, na ikiwa watakataa hapo itakua ni halali kwake kuwapiga vita na kuchukua ngawira mali zao, na kuwateka wanawake na watoto katika wao, na hakuna mwisho wa vita hivyo isipokua kukubali kwao Uislamu na kuingia ndani yake tu, na watakapopigwa vita na wakashindwa zitafanywa mali zao kuwa ni Ngawira na watachukuliwa wanawake wao na vizazi vyao kuwa ni mateka, na atafuatwa mwenye kukimbia katika wao, na kutatayarishwa kwa ajili ya majeruhi wao, na ikiwa ni katika waarabu itakua hakuna kutekwa upande wao katika kauli, au wakiwa ni Kabila ya Quraishi tu katika kauli nyengine; kwa sababu ya Cheo cha Mtume (s.a.w) hizi ni kauli mbili.