Published By Sh. Hafidh Al-Sawafi

Inamlazimu kila Mukallafu kushuhudia kwa Elimu ya Yakini kuwa hakika Muhammad ni Mtume wa Allah kwa Waja wote.

Na kushuhudia kuwa Muhammad (s.a.w) ni Mtume ni shahada kwa Mitume yote (a.s.w), na hao Mitume ni Wanaume wa Kibinadamu, amewachagua Allah mtukufu kwa ajili ya Ufunuo wake, na awejaalia kuwa wao ni wafikishaji baina yake na Waja wake, ili waongoze Waja, na wabainishe kwa ajili yao Njia ya marejeo, na waongoze katika Njia ya uongofu, na wawe ni wenye kubashiria Neema kuu na Malipo mazuri yenye kudumu kwa ajili ya wale ambao watakubali njia ya Mitume wao, na wawe ni wenye kuonya wale wote wakaofata njia ya kuasi mafundisho ya Mitume wao, ya kuwa hao watapata Adhabu inayooumiza, na kubakia katika shimo la Jahannamu milele.

Published By Sh. Hafidh Al-Sawafi

Na hawa Mitume wanazo sifa za lazima kusifika kwa sifa hizo katika Haki yao, na ziko sifa ambazo haiwezekani kwao kuwa nazo, na ziko sifa inafaa kwao kusifika kwa sifa hizo.

1. Sifa za lazima kuwa nazo Mitume

Inalazimika kwa Mitume kuwa ni wenye Amana, Ukweli, Kuhifadhika na mabaya, Ufahamu mkali, Kuzinduka, na Hifadhi itokayo kwa Bwana wao, basi halipatikani kutoka kwao Kosa kubwa, tena hawaachiwi katika Kosa dogo, na wao hawaendi kinyume kwa kuyafanya yale walioamrishwa kuyakataza kwa Waja, na wao hawafichi kitu katika Ufunuo walioamrishwa kuufikisha kwa Waja.

﴿وَمَا هُوَ عَلَى ٱلْغَيْبِ بِضَنِينٍ﴾

﴾Na hakuwa yeye katika Mambo yaliyofichwa ni mwenye ubakhili﴿

[Tak-wir 24]

2. Sifa zilizokua haiwezekani kuwa nazo Mitume

Na haiwezekani kwao wao kuwa ni wenye Khiyana, Uongo, Kutohifadhiwa, Upuuzi, Uzembe, kufanya Makosa makubwa, na kubakia katika Madogo, na kubadilisha kitu katika Ufunuo.

﴿قُلْ مَا يَكُونُ لِى أَنْ أُبَدّلَهُ مِن تِلْقَاء نَفْسِى إِنْ أَتَّبِعُ إِلاَّ مَا يُوحَى إِلَىَّ إِنّى أَخَافُ إِنْ عَصَيْتُ رَبّى عَذَابَ يَوْمٍ عَظِيمٍ﴾

﴾Sema haiwi kwangu mimi nibadilishe kutoka katika  ya Nafsi yangu; haikua kwangu isipokua ni kufuata yale ambayo yanafunuliwa kwangu, hakika mimi ninaogopa ikiwa nitamuasi Bwana wangu Adhabu ya siku kubwa﴿

[Yuunus 15]

3. Sifa zinazofaa kuwa nazo Mitume

Na inafaa kwao wao kula, kunywa, kulala, kuingilia kindoa, kuwa na Wake, kupata kizazi, kwenda katika Masoko, kuzungumza katika yanayowahusu, kufanya mizaha inayofaa.

Published By Sh. Hafidh Al-Sawafi

Manabii ni wanaume wa kibinadamu Allah amefunua kwao wao, na akawapa anayotaka katika yaliyohifadhika ya Elimu yake na Sheria zake, na wao hawajaamrishwa kufikisha Sheria mpya, bali wanafikisha Sheria za Mitume na wanalingania Waja katika kufuata hayo, hawa Manabii walikua katika Umma zilizopita kama Wanavyuoni wa Umma huu, na katika Hadithi:

﴾Wanavyuoni wa Umma wangu ni kama Manabii wa Bani Is-raili﴿.

Mitume ni wale waliopewa Ufunuo kutoka kwa Allah na wao wameamrishwa kufikisha Sheria mpya yenye kukaa pahala pa Sheria iliyotangulia miongoni mwa Sheria.

﴿وَأَنزَلْنَا إِلَيْكَ ٱلْكِتَـٰبَ بِٱلْحَقّ مُصَدّقاً لّمَا بَيْنَ يَدَيْهِ مِنَ ٱلْكِتَـٰبِ وَمُهَيْمِناً عَلَيْهِ فَٱحْكُم بَيْنَهُم بِمَا أَنزَلَ ٱللَّهُ وَلاَ تَتَّبِعْ أَهْوَاءهُمْ عَمَّا جَاءكَ مِنَ ٱلْحَقّ لِكُلّ جَعَلْنَا مِنكُمْ شِرْعَةً وَمِنْهَـٰجاً وَلَوْ شَاء ٱللَّهُ لَجَعَلَكُمْ أُمَّةً وٰحِدَةً وَلَـٰكِن لّيَبْلُوَكُمْ فِى مَا ءاتَـٰكُم فَاسْتَبِقُوا الخَيْرَاتِ إِلَىٰ الله مَرْجِعُكُمْ جَمِيعاً فَيُنَبّئُكُم بِمَا كُنتُمْ فِيهِ تَخْتَلِفُونَ﴾

﴾Na tumeteremsha kwako wewe Kitabu kwa Haki, ni chenye kusadikisha yale yaliyopo baina ya mikono yake miongoni mwa Vitabu, na chenye kukaa juu yake, basi hukumu baina yao kwa yale aliyoteremsha Allah, na wala usifuate mapenzi yao ukawa mbali na yale yalikujia katika Haki, na kila mmoja katika nyinyi tumemjaalia Sheria na Njia, na lau angalitaka Allah angalikufanyeni kuwa ni Umma mmoja, hayo ni kukufanyieni mitihani katika aliyokupeni, basi kimbilieni katika yaliyo ya kheri, ni kwa Allah ndio marejeo yenu nyote, basi atafafanua kwenu katika muliokua ndani yake mukitofautiana﴿

[Maaidah 48]

Published By Sh. Hafidh Al-Sawafi

Inalazimika kuikhusisha Imani kwa Mtume Muhammad (s.a.w) baina ya Mitume yote, na tuamini Mitume waliobakia kwa Ujumla bila ya kutafautisha baina ya yeyote katika Mitume wake Allah mtukufu.

Vile vile Manabii na kwa yule ambae imesimama juu yetu Hoja kwa Jina lake miongoni mwa Manabii na Mitume, basi italazimika kumuamini kuwa yeye ni Mtume wa Allah kama wale ambao Allah amewataja katika Qur-ani miongoni mwa Mitume (a.s.w).

Published By Sh. Hafidh Al-Sawafi

Ni lazima juu yetu kujua Jina lake (s.a.w) kuwa yeye anaitwa Muhammad

﴿وَمَا مُحَمَّدٌ إِلاَّ رَسُولٌ﴾

﴾Na hakua Muhammad isipokua ni Mtume﴿

[Al-imran 144]

﴿مُّحَمَّدٌ رَّسُولُ ٱللَّهِ﴾

﴾Muhammad ni Mtume wa Allah﴿

[Fat-hi 29]

Na jina lake vile vile ni Ahmad

﴿وَمُبَشّراً بِرَسُولٍ يَأْتِى مِن بَعْدِى ٱسْمُهُ أَحْمَدُ﴾

﴾Na mimi (Issa mwana wa Mariyam) ni mwenye kubashiria kuja Mtume baada yangu jina lake ni Ahmad﴿

[Saff 6]

Na vile vile kujua kuwa yeye ni Mwarabu

﴿بِلِسَانٍ عَرَبِىّ مُّبِينٍ﴾

﴾Kwa Ulimu wa kiarabu uliowazi﴿.

[Shuaraa 195]

Ama kujua Baba yake na Babu yake, na kuwa yeye ni katika ukoo wa Hashimii amezaliwa katika Mji wa Makka, na kuwa amehamia katika Mji wa Madina, na kuwa amekufa huko Madina ni katika mambo ya dharura hakuna nafasi ya kuyapinga.